Хто калісьці выдумаў І заспяваў упершыню Гэты смутны беларускі блюз? Сёння ўжо гэты блюз Спявае, з працы ідучы, Кожны трэці звыклы беларус... Дахаты цягнецца з плугам араты, На вуліцы песню спяваюць дзяўчаты, У небе высока ляцяць арляняты. Смутны беларускі блюз... Бывайце здаровы, жывіце багата, А мы ад'яжджаем у Злучаны Штаты, Суседа ізноў не пусцілі ў Канаду. Смутны беларускі блюз... Ой вы, рукі ў мазалях, Праца ты штодзённая мая, Ой ты, смутны беларускі блюз... Цяжка жыце, марны лёс. Каб хто, здэцца, грошай воз прывёз. Скуль там!.. Смутны беларускі блюз... Як дужа на вуліцах пылу і чаду! Пад сонцам марнеюць і сохнуць прысады. Суседа ізноў не пусцілі ў Канаду... Смутны беларускі блюз... Дахаты... ці то цвярозым ці п'яным. Дахаты... са скрухаю і паслухмяна. Дахаты... з Брукліну ці з Манхатану. Смутны беларускі блюз... Грамадзяне, я гляджу, Пхнуцца з торбамі цераз мяжу. Ой ты, смутны беларускі блюз... Я з Радзімай - назаўжды, Ехаць мне і так няма куды: Дзе я нарадзіўся - там памру... Смутны беларускі блюз.
https://lyrics.primanota.net/viktar-shalkevich/smutny-belaruski-blyuz.htm